Veke 17

Ei ny veke er forbi, og vi har vert mykje ute denne veka i sol og fint vêr. Vi har leika på haugen, hatt utesamling, teikna med kritt, sparka fotball og vert på tur. 

Turen denne gongen gjekk til leikeplassen med fotballbane. Der sparka vi fotball, leika bomgjømsel, "alle mine griser kom hjem" og nokre valgte å balansere på gjerdet eller disse. Til lunsj åt vi polarbrød og i koppen drakk vi mjølk.

Fredag var det tid for Russedåp på fellesrommet. Endelig er dagen komt! Dinobarna skal bli rosaruss 😃 Det blir ei spennande tid framover med russekort og russeknuter.

På Dinoskulen har dei denne veka jobba videre med venskapstema. Dei har gitt kvarandre fine kompliment, i komplimentsirkelen. Barnet som gir komplimenter held ein engel i handa, og gir den vidare etterpå. Dei har og hjelpt Mari med å bygge eit slott. Alle har fått kome med forslag til korleis slottet skulle byggast. Tilslutt har dei øva på å spørje og svare på venskaps spørsmål.

På måndag er det 1.mai, barnehagen er då stengd.

Vi ynskjer alle ei riktig fin og solfylt langhelg! ☀️☀️☀️☀️

Flåklypadamene 😃

Veke 16

Hei alle saman!

Vel overstått påske 🐣

Det er fredag allereie, veka har vert litt kortare enn vanleg, og vi har vert mykje ute å leika desse dagane  i det varierande vêret. Vi sykler, sparker fotball og disser. ⚽️🚴

På torsdagen hadde det regna så mykje om natta at vi kunne laga basseng i sandkassen, og bade i det etterpå 😄😄

Inne speler vi mykje brettspill, vi har blant anna Fantorangen spelet, Labyrint spelet og Junior Alias. Andre leiker rollespel inne på grupperommet, dei køyrer tog, leikar butikk og lagar til dei flottaste festmåltid. 

🍰🌮☕️🍉🍎

Dinoskulen er inne i siste fase, i kapittelet om å presentere seg sjølv og fortelje om seg sjølv. Dei har denne veka øva på kva ein kan spørje andre om, og kva dei kan snakke om for å bli kjende, noko som er veldig aktuelt no som dei skal møte mange nye klassekamerater og vaksne ved skulestart.

Vi ynskjer alle ei fin helg!

☀️☀️☀️☀️☀️☀️☀️☀️

Flåklypadamene 🙂

Veke 14

Ei ny veke er over, og vi nærmar oss Påskehøgtida. Vi har jobba ivrig med å gjere ferdig vår lille påskegave til heimen 🐣🐣

Vi har vert på påskesamling på fellesrommet saman med Tryllefløyten og Soria Moria, der Siw fortalte historien om kaninen Hoppetass som ønska å hjelpe Påskeharen med å dele ut påskeegg. Etter samlinga la vi ut ei skål med gulerøtter her i barnehagen, og jammen hadde Påskeharen vert på besøk medan vi åt lunsj på avdelingane. Då vi gjekk ut for å sjå om gulerøttene var borte, låg det istaden eit fint påskeegg oppi skåla, med sjokolade til alle borna. 

På Dinoskulen har dei starta på eit nytt kapittel, Brackosaurus, der dei øver på korleis dei skal presentere seg sjølve.

Torsdag var vi inviterte til påskevandring i Foldnes Kyrkje, der vi fekk vere med på ei reise i påskeevangeliet. Vi samla oss i kyrkjelydsalen etterpå, der vi fekk servert frukt og påskesaft.

Fredag hadde vi "gul lunsj" på avdelinga, vi dekka langbord og dekorerte med fin påskepynt og god mat. Etter lunsj hadde vi ein påskeaktivitet, nærare bestemt eit "påskemysterium". Vi oppdaga spor etter Påskeharen på avdelinga vår, halvspiste gulrøtter overalt...hmmm...det synes borna var veldig merkelig! Dette måtte vi undersøkje nærare..... og korleis det gjekk tilslutt, kan du spørje borna om😉

Vi ynskjer alle ei riktig fin Påskehøgtid, med mykje leik, glede og humor 😎🐥

Flåklypadamene 😀😀