Veke 4

Hei alle saman!

Fredagen er her og helga står igjen for tur, og i løpet av veka har vi leika ute i det våte element, vi har hatt vår faste gruppedag, samlingar, dinoskule og turdag.

På gruppedagen har vi denne gongen fortsett med språk/spel gruppe, ei gruppe har laga bilete med ulike former i papp, og ei gruppe laga deilige ostesmørbrød til lunsj.

Dinoskulen har fått presentert fleire strategiar på problemløysing denne veka, som det å oversjå noko og å spørje ein vaksen, dersom eit problem oppstår. Dei har snakka om å prøve å finne løysinger sjølve, og om det er ei god løysing ( t.d. vente på tur, seie det til ein vaksen, dele m.m.) eller dårleg løysing (t.d. dytte, seie dumme ting m.m.) Dei har og snakka litt om konsekvensar, og fokusert på at gode løysinger er positivt, og at dårlege løysinger gjer at begge partar sit igjen med ein dårleg følelse.

Etter å vore innom alle seks strategiane på problemløysing, vart det popcorn fest på dinoskulen. Det var stor stas og borna kosa seg med både popcorn og disco.

Vidare framover skal dei gå litt djupare inn i tema konsekvensar.

Torsdag var det tur på programmet, og turen gjekk til ein leikeplass i nærleiken av barnehagen. Vi balanserte på gjerdet, vi dissa og kosa oss, før vi returnerte til barnehagen for å ete lunsj inne på avdelinga. Det var godt å kome inn å varme seg, og etter lunsj leika vi inne.

Fredag vart grunna ekstremveret ein innedag for alle her i barnehagen. Vi åt deilig hamburger til lunsj, og samlast etter det på fellesrommet til kino og minirøris saman med Soria Moria og Tryllefløyten.

Vi ynskjer alle ei fin helg, ver varsame i ekstremveret!

Flåklypadamene :-) 

Veke 3

Hei igjen!

Ei ny veke er over her i barnehagen, og vi har hatt mange flotte dagar ute i snøen. Vi har tilbragt mykje tid på akebrettet på haugen med god frisk luft og flott sol som har varma frå blå himmel.

I gruppene våre denne veka fortsette vi med språkgruppe, ein gjeng boltra seg med gym på fellesrommet, og ei gruppe laga bilete ved hjelp av ulike former av papp. Dei fekk sjå eit bilete først, så skulle dei prøve å lage liknande bilete sjølve.  Borna er veldig flinke til å skilje mellom kvadrat, rektangel og sirkel. Imponerande!

På Dinoskulen har dei denne veka øvd på den nye problem strategien; å vente på tur. Mari har vore på besøk med den nye sykkelen sin, og ho var veldig flink å¨dele sykkelen med Willy, og han var kjempeflink å vente på sin tur. Etterpå fekk og borna prøva sykkelen til Mari. Willy har og øvd saman med borna på å seie unnskyld når dei var uheldig å øydelegge tårnet som han hadde bygd. Etterpå hjalp dei Willy å bygge tårnet opp igjen. Ellers har dei bygd vidare på marshmallows borgene sine, denne gongen figurar av lego.

 

Turdagen vår denne gongen gjekk opp på Haugen, der vi aka, dissa på ufo-dissa og grilla pølser. Vi koste oss, men det vart ganske kaldt etter ei stund, så resten av dagen leika vi inne på avdelinga.

Vi nyt den siste vinterdagen med endå meir aking idag, og ynskjer alle ei god helg!

Flåklypadamene :-)

Veke 2

Hei alle saman!

Veka er ved veis ende, og endeleg har det kome det vi har venta på i heile vinter; SNØØØ!!!

Du kan tru vi har kosa oss ute i snøen, vi har laga snømann, snøenglar og ikkje minst vert i akebakken.

Turen denne veka gjekk til sjukeheimen, der vi var invitert tilbake for å delta i ei kåring av beste peparkakehus frå utstillinga vi deltok i før jul. Det var kjempe spennande, og alle som jobbar på dagavdelinga på sjukeheimen hadde stemt. Resultatet vart uavgjort, og begge barnehagane fekk premie, som var ein flott bamse, Curious George (fetteren til Nysjerrige Nils....). Etter premieutdelinga fekk vi kome inn i stova deira der vi fekk saft og mariekjeks. Vi sang to songar, "Mikkel Rev" og "Bæ, bæ Lille Lam" for dei, og hadde ei koselig stund saman med dei gamle. Etterpå gjekk vi attende til barnehagen og åt lunsj på haugen i flott solskin.

På Dinoskulen denne veka har dei lærd fleire nye strategiar for konflikthandtering. Dei har i tillegg til å dele snakka om at det å spørje fint kan vere ein god metode. Korleis spør vi fint?

Dei har laga dinosaurar av modellkitt til marshmallows borgene sine, der kvar fekk sin farge og måtte spørje kvarandre fint om å få andre fargar. Willy og Mari har og vore med og vist korleis ein kan øve på å dele ball.

Neste veke skal dei få lære endå fleire gode strategiar ein kan bruke når vi har eit problem. 

Vi starta opp med gruppene våre denne veka, vi gymma oss, laga mat og hadde språkgruppe.

Vi ynskjer alle ei fin helg, i det flotte vinter veret!

Flåklypadamene:-)

   



Veke 1

Hei alle saman!

Vi ynskjer alle små og store eit riktig Godt Nyttår, så langt har det nye året vore fantastisk, med nydelig sol og frisk og kald vinterluft. Vi har starta året i et roleg tempo, med ein del frileik inne og ein del uteleik på haugen. Vi har vore på tur og det har vore Dinoskule, vi har hatt samlingar og

i neste veke startar vi opp med gruppedag.

Vi starta veka med bursdagssamling for Levi, han vart 5 år den 3. januar.

HURRA for Levi!

På Dinoskulen har dei starta på nytt kapittel; Problemløysing. Korleis kan ein vite at ein har eit problem, det kan t.d. vere ein konflikt, ein uenighet eller når vi ikkje får til noko. Kva følelsar kjenner vi på når vi har eit problem? Korleis vi kan løyse eit problem? Er det ei god eller dårleg løysing? Har vi fleire løysinger? Alt dette skal dei snakka mykje om framover, og dei vil kome til å lære seg ulike strategiar på konfliktløysing.

Kva er problemet?

Finne ei løysing?

Har vi fleire løysinger?

Fagområde vi har fokus på denne månaden, er "antal, rom og form". Vi har i samlingane lært begrepa kvadrat, rektangel og sirkel. Vi har og snakka om at ein sirkel og kan vere ein runding, eit hjul eller ein ball. Vi har lært begrepa over, under, opp, ned, inni o.l. Vi har hengt opp fuglemat til fuglane og snakka om at dei flyr ned til varmare strøk om vinteren og at dei flyr oppe i lufta. Vi har og sunge månadens sang med teikn som er "tre små fisk" og snakka om at fisk lever nedi sjøen, men at fuglar og kan opphalde seg i sjøen, men at dei flyt oppå vatnet.

Den fyrste turen i det nye året gjekk til "Turboplassen" langs Kyrkjevegen. Der balanserte vi på tau, vi dissa, og vi klatra i trer. Sidan mange trer skugga for sola, valde vi å gå opp til gapahuken og ete lunsj i solskinet. Vi hadde med oss brødskiver og deilig kakao og varme oss på. Då vi kom attende til barnehagen, leika vi på haugen ei stund, før vi gjekk inn til fruktmåltidet.

Vi fekk auge på dette fuglereiret oppe i eit tre på Turboplassen.

Ha ei fin helg!

Flåklypadamene :-)