Veke 52

Hei alle saman!

Det er berre 2 dagar att til julafta, og her på Flåklypa har vi denne veka rolege dagar med førjulskos.

Vi lyttar til flott julemusikk, pyntar med lyslykter på avdelingen og samlar alle rundt langbord til måltida.

 

Vi har i heile desember hatt adventsamlingar, der vi les ei juleforteljing, tenner adventslys, trekkjer peparkakehjarte, syng julesongar og visar fram dei flotte julekorta vi har fått.

Takk for alle dei flotte julekorta vi har fått.

I begynnelsen av desember fekk vi besøk av ei artig dame, Ulla Krulla, som holdt ei teaterframvising for oss på fellesrommet. Ho var veldig flink til å strikke, og ho strikka gåver for julenissen. Veldig morsom forestilling for både små og store!

Vi har også feira Lucia, då gjekk alle borna i Luciatog gjennom avdelingane i barnehagen, og enda opp på scena på fellesrommet. Der song vi julesongar for alle dei frammøtte foreldra, før vi gjekk avdelingsvis og fekk servert lussekatter, saft og kaffi.

 

Seinare same dag var vi invitert til julegudsteneste i Foldnes Kyrkje. Der song vi mange fine julesongar, høyrde forteljinga om då Jesusbarnet vart fødd, og vi framførte Luciasongen vår med teikn. Etterpå fekk vi peparkaker og saft i kyrkjelydsalen.

Vi har og hatt nissefest her i barnehagen. Alle små og store samla seg på fellesrommet, der dramatiserte nokre av dei vaksne forteljinga om "Skinnvotten". Etter det var det gang rundt juletre, og sjølvsagt kom Julenissen på besøk med gåver til alle avdelingane. Til lunsj fekk vi nissegraut og i ei av skålene gøymde det seg ein mandel. Den som fekk mandelen, fekk knuse peparkakehuset, som var premien, og alle borna sette seg deretter i ring på golvet og fekk smake. Kjempeglade born!

Vi har hatt bursdagsamling for Mio som vert 5 år tirsdag 22. desember.

HURRA for Mio!

Dinoskulen har tatt juleferie, og er klar til oppstart att mandag, 4. januar 2016. 

Vi vil benytte anledninga til å takke for eit fint 2015

og ynskjer alle ei riktig

God Jul

 og

dei beste ynskjer for 2016

Juleklem frå Flåklypadamene

Veke 49

Hei igjen alle saman!

Jula nærmar seg med stormsteg, og vi på Flåklypa er i full gang med julegaver og anna adventskos. Vi har pynta på avdelinga med stjerner og lys, og har laga grupperommet om til eit koselig adventssamlingsrom no i førjulstida. Vi har samling kl. 9:30 kvar dag, då les vi ei lita juleforteljing, vi tenner lys i adventstaken, vi trekker peparkakehjarte og vi syng julesongar. 

I forrige veke var vi invitert til musikksamling på biblioteket, der møtte vi mange spennande personar som vi song saman med, og nokon vaksne spelte piano og gitar. Vi hadde med oss rytmeinstrument og fekk vere med å lage musikk. Før samlinga var ferdig kom sjølvaste julenissen på besøk, og han hadde med seg peparkaker til alle. Kjempegodt!

Vi koste oss med god lunsj; polarbrød, saft, mariekjeks og mandariner, før vi gjekk tilbake til barnehagen.

På Dinoskulen dei to siste vekene har borna snakka vidare rundt dette med at følelsar kan endre seg. Det at ein frustrert følelse kan endre seg til ein god meistringsfølelse, men og at ein må øve seg på å takle eit nederlag. Dette har dei øva på ved å spele bingo, der ein ikkje alltid kan vinne. Ein annan følelse dei har kjend litt på er det å ha ein litt spesiell følelse i kroppen,

ein stolt følelse. Det kan vere når ein er kledd i bursdagsskappe og har på seg bursdagskrone på bursdagen sin, det kan og vere dersom nokon seier noko fint til andre, slik dei øvar på ved hjelp av komplimentsirkelen.

På tirsdag var vi invitert til Dagavdelinga ved Fjell Sjukeheim, der det skulle vere offisiell åpning av peparkakebyen deira, som vi og nokre andre barnehagar hadde blitt spurd om å bidra til. Flåklypa sitt bidrag var Lavvoen med tilbehør, den er vi alle veldig stolte av. Det var ei flott tilsteljing, med klipping av raud snor og utdeling av peparkaker og saft til borna. Det vart ei koselig stund som både dei gamle og unge sette pris på.

Etterpå sat vi oss ned utanfor på benkar, og åt lunsj, før vi returnerte til barnehagen.

Vi ynskjer alle ei fortsatt fin førjulstid.

 God helg frå Flåklypadamene

Veke 47

Hei alle saman!

Det nærmar seg helg igjen, og no er vi i full gang med juleforberedelsar her på Flåklypa.

Vi starta veka med bursdagsamling for Lukas, som vart 4 år, søndag 14. november.

HURRA for Lukas!

Dinogjengen har denne veka snakka om at følelsar kan endre seg. Dersom ein ikkje meistrar noko første gongen, kan ein verte frustrert og freista til å gje opp, men dersom ein prøvar igjen, eller spør om litt hjelp, kan ein få det til allikavel. Det kjennes godt å få frustrasjon til å endre seg til meistringsfølelse og stolthet.

Borna har og hatt ein aktivitet der dei skulle trille ei klinkekule oppi ei skoeske med eit lite hol i botnen. Det var ikkje lett å få klinkekula nedi på første førsøk, men med litt tålmodighet og pågangsmot klarde dei det til slutt.

Alle fekk også halde ein engel i handa, medan dei skulle seie noko fint om seg sjølv og den som sat ved sidan av seg.

På turdagen denne veka hadde vi bestemt oss for å finne "Turboplassen", ein leikeplass som Barnas Turlag i Fjell har laga i skogen langs Kyrkjevegen. Vi leita først på feil plass og valde å gå vidare over "Gråsteinsbrua" for å leite vidare. Vi enda opp med å gå heilt til toppen av bakken, der vi kunne skimte Hjelteryggen i det fjerne. Der sat vi oss ned ved eit steinbord og benkar for å ete lunsj i det nydelige veret.

På veg tilbake såg borna nokre oransje refleksar lyse i skogen langs vegen, og ein vaksen gjekk for å undersøke nærare kva desse spora førte til, og der, godt gøymd inni skogen, fann vi jammen brått "Turboplassen."

Vi bestemde oss for at neste dag skulle vi gå tilbake med alle borna å leike der.

Vi hadde det kjempegøy med taudisse, balanserte på tau og klatra i trær, før vi skunda oss tilbake til lunsj, som var deilige kjøttkaker med poteter, saus og grønsaker til.

På gruppedagen baka alle kvar sitt pepperkakehjarte til adventssamlinga vår og etterpå laga vi julegåver til dykk i heimen. Det er jo sjølvsagt hemmeleg kva det er...tjihi!

Elles vil vi ynskje alle ei fin og solrik helg.

Flåklypadamene :-)

Veke 46

Hei alle saman!

Då er det fredag igjen, og helga står for tur. Veka har vore prega av mykje vått og kaldt ver, med plasking i dammar og ganske våte born når vi går inn. 

Elles er vi så smått byrja å planlegge jula. Kva vi skal lage i julegåve og kva vi skal gjere i adventstida som nærmar seg brått. Det er ei kjekk og fin tid vi går i møte.

Minner om at vi treng store syltetøyglas til juleforberedingane våre!

På Dinoskulen held dei framleis på med kapittelet om følelsar, og dei har hatt besøk av både Dina, Willy og Mari som har fortald om når dei var lei seg, ivrig, einsam og frustrert. Dina opplevde å mista vinga si, då vart ho kjempe frustrert, og det hjalp veldig at alle borna ville hjelpe til med å finna den.

Dei har klippa ut bilete av andlet med ulike følelsar frå vekeblad og limt på ein plakat. Dei har og brukt Willy papirdokke. Medan dei høyrde ei forteljing om Willy sine følelsar, samstundes skulle lime dei på andletet hans.


Denne månaden er det fagområde "Kunst, Kultur og Kreativitet" som står i fokus, og vi har snakka om det i samling, at kunst kan vere eit bilete, noko vi klipper og limer saman eller noko vi målar. Kunst kan også lagast av både vaksne og born. Vi har sett bilete av kjende kunstverk, "Pikene på broen," og kjende skulpturar frå Nordkapp.

Vi lærar stadig nye teikn, månadens teikn er Glad/blid, Trist/sørgeleg og Sint.

Torsdag trossa vi veret og gjekk ein liten tur til Gapahuken langs Kyrkjevegen. Vi leika og kosa oss, og til lunsj åt vi brødskjever og drakk varm kakao. Etterpå jogga vi tilbake til barnehagen, og skunda oss inn i varmen. Det var ekstra godt å kome inn etter ein skikkeleg kald og våt tur.

Fredag hadde vi bursdagssamling for Celine, som blir 5 år laurdag 13. november. 

HURRA for Celine!

Vi ynskjer alle ei fin helg!

Flåklypadamene :-)

Veke 44

Hei alle saman!

Helga står for døra, og vi har hatt ei kjekk veke med siste forberedingar til FORUT basaren vår, som gjekk av stabelen igår. Vi har øvd på songar, baka ostehorn, pynta avdelingen og hatt samlingar om Nepal. For er det noko vi har gleda oss veldig til denne veka, så er det til å få besøk av foreldre, søsken og besteforeldre for å vise fram det flotte arbeidet vi har holdt på med i heile oktober.

Dinoskulen har denne veka starta på nytt kapittel, Triceratops, som handlar om følelsar. Dei har snakka om å vere anspent/sint og avslappa/glad og korleis det kjennes i kroppen når vi har desse følelsane. Dei har brukt speil, for å sjå korleis ein ser ut i andletet når vi er glade og når vi er sinte. Dette kapittelet skal dei halde fram med til jul.

Den store hendinga denne veka var nok FORUT basaren. Mange foreldre kom og venta spent på kva som skulle føregå på scena. Alle dei flinke borna i barnehagen vår stod stolte og song "Morgendagens søsken", "Namaste" som tyder "Hei på deg!" og tilslutt "5 små apekatter" til alle dei frammøtte. Etter konserten var det mingling rundt i barnehagen der det kunne kjøpast lodd, nybaka ostehorn/pizzahorn og boller, mange deilige kaker og kaffe og saft. Dagen vart avslutta med trekning av loddbøker på fellesrommet, til stor glede for både små og store. 

Vi vil gjerne takke alle foreldre og besteforeldre for flotte bidrag til både gevinstar, kaker og ikkje minst for frammøte. Det var veldig kjekt at dei fleste kunne komme.

Fredag formiddag samla alle Dinoborna, Monika og Siren seg på fellesrommet for å telje opp pengane frå basaren. Alle fekk først kjenne kor tung kofferten med pengane var, og dei kom med forslag til kor tung den var. Nokon tippa 1 kg og andre 60 kg. Etterpå vegde vi kofferten og den var 3 kg. Ved hjelp av ei kuleramme, der kvar kule tilsvara kr 100,- talde vi opp pengane. Vi kom til den fantastiske sum på, kr 10. 041,-, noko som er eit imponerande resultat. Monika har levert beløpet inn i banken, og pengane er no på veg til Nepal. 

No er eit flott og lærerikt prosjekt over for denne gong, og vi håpar borna i Nepal får god nytte av vårt bidrag. 

Ellers vil vi berre nemne at barnehagen har bursdag i morgen, 31. Oktober. Då blir vi 9 år. 

HURRA for Leirstaden Barnehage, "Saman er vi best!"

Vi minner om at neste fredag, 6. November, er det planleggingsdag, og barnehagen er då stengd!

Vi ynskjer alle ei fin helg!

Veke 43

Hei alle saman!

Ei ny barnehageveke er over og denne veka har vi hatt FN-dagen som tema her i barnehagen. Vi har hatt daglege samlingar avdelingsvis, og fredag hadde vi fellessamling saman med Tryllefløyten og Soria Moria på fellesrommet. Vi har også vert på tur i skogen, og leika ute i regnveret.

Dinoborna har jobba vidare med å øve på å ha"lytteøyre", og dei har snakka om at det er viktig å få med seg beskjedar. 

Turen gjekk denne veka til Gapahuken, der vi leika i skogen. Der fann vi "magiske" dører og tunneler, noko som var kjempespennande å utforske. Vi hadde med oss brødskjever og kakao i sekken, det var godt å varme seg på i regnveret!

Høgdepunktet denne veka var nok FN-samlinga på fellesrommet. Der høyrde vi på songar som handlar om å hjelpe andre som ikkje har det så godt som oss, vi såg film frå FORUT-FESTIVAL i Nepal, og vi snakka om kva FN er og at dei jobbar for at alle mennesker skal få leve i fred og at alle land skal vere vener. Vi la hovedvekt på Barnas rettigheter, Barnekonvensjonen, og symboliserte ved hjelp av flinke born dei ulike rettighetane:

-Alle born har rett til reint vatn

-Alle born har rett til mat og drikke

-Alle born har rett til eit namn og ein nasjonalitet

-Alle born har rett til å seie si meining

-Alle born har rett til å ha eit hus å bu i

-Alle born har rett til å leike

-Alle born har rett til kjærleik og omsorg

-Alle born har rett til beskyttelse om dei blir sjuke

-Alle born har rett til å gå på skule

Til lunsj fekk vi linsesuppe med ris og grønsaker, mat dei har i Nepal. Kjempegodt!

Minnar om FORUT-basar her i barnehagen torsdag 29.10. kl. 14:30-16:30. Vil og takke alle som har gitt flotte gevinstar. 

Vi ynskjer alle ei riktig god helg! 

Flåklypadamene :-)

Veke 42

Hei alle saman!

Då er haustferien over og vi er no tilbake i våre vanlege rutiner på Flåklypa. Veka har hatt mange solfylte dagar og vi har kosa oss mykje utandørs.

Dinoskulen har denne veka snakka om kor viktig det er å høyre etter når nokon fortel oss noko, å bruke "lytteøyre" for å få med seg det vaksne eller born fortel oss. Dei har øvd på å vere gode lyttarar og lært at ved å høyre godt etter så får vi meir kunnskap og det gjer ein god følelse til den som fortel noko, å bli høyrd. Dette øva dei på ved å lytte til ei forteljing om Willy, der han skulle gjere ulike aktivitetar og trengde ulike klede på.

Dinoborna har og øvd på å "vente på tur". Dei har ein om gongen fått blåst såpebobler, og resten av borna har stått i ei rekkje og venta på tur, og dei bruka eit "timeglas" til å markere når det var nestemann sin tur. 

Vi har våre daglege samlingar, der borna får presentera familie-husa sine og vi snakkar om følelsar og venskap.

Torsdag var vi klar for tur, og den gjekk til den fyrste skogen langs Kyrkjevegen. Vi leika "Sabeltann", tikken og laga naturkunst. Denne turen var det Joanne som hadde hovedansvaret for og ho hadde vald å ha med polarbrød med godt pålegg og kakao i sekken. Det smakar alltid like godt! Då det nærma seg lunsj, gjekk vi til Amfiet og sat i trappene og åt, der var det nydelig sol og litt tørrare underlag. Etter lunsj leika vi "Haien Kommer", fleire og fleire hang seg på undervegs, og tilslutt var vi ein heil gjeng med Havfruer, Delfiner, Gullfiskar og "Kronisfisk", som våre fantasifulle born kalla det. Vi hadde ein flott tur og kosa oss alle mann. 

Godt jobba Joanne! 

Resten av dagen leika vi ute i barnehagen i det flotte veret.

Fredag hadde vi bursdagssamling for Ariana som blir 5 år på laurdag. HURRA for Ariana!

Vi har og FORUT samling på fredagar, og etter å ha flydd til Nepal og blitt litt kjend med kvar landet ligg i verden forrige fredag, har dei denne veka fått vite meir om korleis landet ser ut, med høge fjell, Himalaya fjella, og at verdens høgaste fjelltopp Mount Everest ligg i Nepal. I tillegg har vi snakka om mat dei har i Nepal og at dei et med fingrane. Dette prøvde vi også ut på avdelingen idag, med stor suksess. Det er eit spennande og interessant land, synes vi.

Vi ynskjer alle ei god og solrik helg!

Flåklypadamene

Veke 40

Hei alle saman!

Då er vi ved vekas siste barnehagedag, og veka har flydd avgårde som vanleg. Vi har hatt fine dagar ute i sola, og nokre våtare dagar med "basseng" utanfor som det er veldig stas å leike i.

Dinoskulen har fortsett å arbeidd med å bli kjende med kvarandre og avslutta veka med venskaps bingo. Borna synes det var spennande med bingo, og kom attende med gøye premiar.

I gruppene våre denne veka laga ei gruppe ostesmørbrød til lunsj medan dei to andre gruppene hadde stafett ute. Alle gjorde ein kjempegod jobb, dei samarbeidde godt for å kome raskast i mål. Etappane bestod av sykling, hinderløype med ball og tilslutt skyte ballen i mål. Supergøy!



Turen denne torsdagen gjekk til skogen langs Kyrkjevegen, der leika vi "tikken" og "Kaptein Sabeltann" som var ute på tokt. Vi studerte alt vi såg på bakken, det var både maur, stein, pinner og sopp. Vi studerte soppen litt nærare og fann fleire ulike sortar, blant anna "Steinsopp" som er kvite og "Fluesopp", som er raude med kvite prikkar. Vi snakka og om at Fluesoppen er giftig, så vi må berre sjå på den, ikkje røyre den. Dette synes borna var fasinerande og hadde mange spørsmål på lur.

Lunsjen åt vi på benken ute i barnehagen, og medan vi åt kom sola fram og det vart varmt og fint ute. Vi leika ute resten av dagen.

I oktober startar vårt FORUT-prosjekt, og i samling på fredag presenterar vi tema for borna på avdelingen. Vi skal bli betre kjend med born som bur på landsbygda utanfor Katmandu i Nepal, som lever under fattige kår. Dette skal vi gjere ved hjelp av å lese forteljingar, sjå bilete og videoar og synge songar. Det vert ein spanande månad og vi gler oss til å kome i gang med dette flotte prosjektet. Det heile vert avslutta med å arrangere basar for alle foreldre, med sal av kaker og kaffi, torsdag 29. oktober.

Vi fekk fredag formiddag besøk av Eline og pappaen hennar. Det var veldig kjekt å møta ho igjen, og sjå at det gjekk bra med ho. Vi ynskjer Eline fortsatt god bedring, og velkomen tilbake til oss når ho er klar for det.


Elles vil vi ynskje alle ei riktig god helg, og ein fin haustferie til dei som skal ha fri neste veke.




Flåklypadamene



Veke 39

Hei alle saman!

Det er fredag og vi har hatt ei triveleg og travel veke på Flåklypa. Dino skulen starta på mandag og vi har hatt gruppedag og turdag som vanleg. I tillegg har vi våre daglege samlingar. Veka byrja med strålande ver og vi var ute store delar av dagen. 

På Dinoskulen har dei no i starten fokus på å bli nærare kjend med kvarandre i dinogruppa. Dei har snakka om korleis det er å vere del av ei gruppe og dei har snakka om felles reglar dei må jobbe etter på Dino skulen, slik at alle skal få fine opplevingar og oppnå eit godt fellesskap i gruppa. Dina og Willy har vore på besøk, det var veldig spennande, synes borna. Den fyrste lekseboka er utgjeven og det var stor stas å få lov å gjere lekser, kan du tru.

Vi har også hatt gruppedag, denne veka laga ei gruppe ferdig hånd- og fotavtrykk bileta sine, i tillegg lima vi bilete av familien vår på "husa" våre. Dei to andre gruppene leika "Katten og Musa". Det vart stor suksess, alle var flinke å vente på tur, og alle som ynskja det fekk vere både katt og mus. Det var ein fin leik med mykje glede og humor.

Katrine har kjøpt inn kritt til oss, og på tysdag i det flotte veret, gjekk vi bort på vegen attmed parkeringen og laga flott kunst på asfalten. Sjå kor fint det vart....

På turdagen denne torsdagen gjekk vi til Gapahuken, der leika vi og koste oss i skogen. I sekken hadde vi med oss brød og deilig pålegg, og sidan det var meldt litt surt ver, hadde vi laga kakao til å varme oss på. Mmmmmm...... og det smaka nydeleg!

 Vi ynskjer alle ei triveleg helg!

Flåklypadamene

Veke 38

Hei alle saman!

Nok ei helg står for døra, og det har vert ei kjekk veke her på Flåklypa. Høgdepunktet har nok vert turen til Egon Restaurant på tirsdag.

Egon Restuarant på Sartor la tidlegare i høst ut ein konkurranse på facebook, der folk kunne stemme fram ein avdeling i ein barnehage dei ville skulle vinne, premien var pizza til lunsj på Egon. Flåklypa var ein av tre heldige vinnarar, og på tirsdag var dagen komen. Vi gjekk litt tidlig så vi fekk tid til å leike litt på lekeplassen ved Konglo.

Vi vart møtt på Egon av kjekke kelnarar som åpna døra til oss og ynskja oss velkommen inn. Vi fekk tildelt bord og sat fint og tålmodig og venta på mat og drikke. Pizzaen smaka kjempegodt!!!
Når vi var ferdig å ete, leika vi på leikerommet inne på Egon og vi fekk utdelt teiknehefte og fargeblyanter. Kjempegøy!

Husk oppstart på Dinoskulen mandag 21. september kl. 10:15 (presis)

Minner alle om foreldremøte onsdag 23. september kl. 18:30 her i barnehagen.

Ha ei riktig god helg!

Flåklypadamene :-)